جزمتى والحب

جزمتى والحب

زمان لما كنت راجع من المدرسة لمحت بنت زى القمر وافقة فى البلكونة فى الدور التانى وبتنشر الغسيل وبتضحكلى؟؟؟
قولت اه الظاهر ان النهاردة امى راضية عليه شويه
قلت لما استهبل شويه يمكن ترزق ..... راحت رايح اكلمها
انا:ماتخلى بالك ياانسه من ميه الغسيل ده
البنت : انا اسفه والله
انا : لا ولايهمك ياقمر انا كنت خايف على دموع الغسيل ده غاليه على اوى
البنت: بجد ؟؟؟
انا : طبعا بجد وجديد
البنت : انت رومانسى اوى بقى ؟؟؟؟
انا : طبعا انا جلانسى اوى
وفجاة طلع راجل طويل وعريض وشنبه واقف عليه تنين وبيدخان نار
الراجل : بتعمل ايه عندك ياعم الجلانسى ؟؟؟؟
انا : لا يا اونكل ده فى مشبك وقع من الامورة وكنت بجيبهولها
الراجل :خشى جوه يبنت الجزمة
انا : طيب امشى انا بقى يا اونكل
الراجل : لا يا خفيف اقلع ياض الجزمة ديه
انا : بس ديه جزمتى
الراجل : من عارف يا ظريف
انا : طيب امشى الزاي ؟؟؟؟
الراجل : ما كترتش فى الكلام (بصوت غبى)
انا : حاضر !!! حاضر يا اونكل
وقلعت الجزمة و روحت البيت ليقيت امى بتسالنى انت جاى حافى ليه ؟؟؟ اكيد كنت بتلعب كرة وقلعت الجزمة واتسرقت
قلتلها لا يا ماما ده انا كنت بصلى العصر وخرجت من الجامع ملاقيتش الجزمة
المهم عدت على خير
وبعد يومين وانا راجع لمحتها برضه فرحت اكلمها اصلها كانت جميلة اوى
راحت مشاورلها !!! راحت مشاورلالى
انا : انا لسه معرفتش اسمك ؟؟؟؟؟
البنت : زهره
انا :وانا بقول الريحه الحلو ده جايه منين ؟؟؟
البنت : مرسى
انا :على فكرة عينيكى حلوة اوى
البنت : اتفضل
انا : من بعيد كده ؟؟؟ مش لازم اكشف عليهم الاول ؟؟؟
وفجاة ظهر تانى الراجل ال ما يتسمى
الراجل : بتعمل ايه يعم الدكتور هنا ؟؟؟؟؟
طبعا انتم عرفتوا ال حصل
المهم رجعت البيت وامى شافتنى وقالتى ياابنى شوفلك جامع غير ده وصلى فيه بقى وارحمنى
وبعد يومين لاقيت نفسى عايز اشف البنت بس اعمل ايه فى الراجل هولاكو ده
بس جات لى فكرة
راحت رايح اشوف البنت بس قبل ادخل الشارع بصيت يمين وشمال ورحت قالع الجزمة وخبتها تحت عربيه
انا : ازيك ؟؟؟
البنت : الحمد لله
لسه حتكلم لقيت عمنا ايه
انا : تانى ؟؟؟ انا ابقى المرة ديه جاى حافى اهوه ومش حتقدر تاخد الجزمة منى
الراجل : تقصد الجزمة ال كانت تحت العربية الحمرا
انا : يا نهار اسود ؟؟؟؟ اروح ازى ؟؟؟؟
المهم روحت وطبعا انتوا عارفين اللى حصل فى البيت
فقررت امى انها متجبليش جزمة رابعة وراحت جابت اوسخ شبشب فى البيت وقالتلى انت من هنا ورايح حتلبس الشبشب ده ولو ضاع منك حخليك تمشى حافى طول عمرك !!!!!!
لبست الشبشب العجيب ده و طبعا بقيت حكاية فى المدرسة وسمعت كلام ما ينفعش اقول لكم عليه لاحسن سمعتى تنجرح اكتر من كده
وكل ده علشان ايه الحب
ايوه الحب ما الحب تضحية
ايه ده فكرتونى البنت ده انا ادتها معاد
اه معاد انتو فكرين انى اسلم كده على طول بس المرة ده
انا ابدات اخطط ايوه انا ادات المعاد للبنت على ارض محايدة بعيد عن هولاكو ده
وكمان علشان الخطة تكمل قولت استعين بصديق
ايوه صديق يراقب الطريق ويخلى معاه الشبشب العجيب امانة
المهم جاه المعياد وقابلت البنت
انا : ازيك ؟؟؟
البنت : الحمد لله
انا :اديناه بعدناه عن هولاكو اهوه علشان ناخد راحتنا
البنت : هولاكو ؟؟ هولاكو مين ؟؟؟
انا : لالالا متخديش فى باللك
انا :هو هولاكو اقصد بابا بشتغل ايه ؟؟؟
البنت : هو انا ما قولت لكش ؟؟؟
انا : لا ما قولتيش
البنت : بابا يا سيدى بيصلح جزم
انا : بيصلح اه
اه يابنت الجزماتى
ودى حكايه جزمتى والحب

هههههههههههههههههههههههههههههه
تسلم ايدك يا حماده موضوع جميل ههههههههههههههه
اهم حاجه ان الجزمه بخير ههههههههههههههههههههه

هههههههههههههههههههههههههه

ياااااااااااااااااااااااااااااه يا حماده

وحشني مواضيعك من ايام سراج

تسلم اديك يا حبي وقصص زمان رجعت تنور تاني اهه

تسلم يا حبي ونورت يا احلى حماده

شرفتنى يا هيما يا صاحبى ومووووووووووووووودى حبيبى والله انتا اللى وحشنى جدا جدا وشكرا لمروركم يا احلى صحاب

موضوع: رد: جزمتى والحب السبت أكتوبر 24, 2009 1:38 am

هههههههههههههههههههههههههههههههههههههههههههههههههههههههههه
يالهوووووووووووووووي ياجماده ومن الحب ما ضيع الجزمه
قصدي الجزم كلها
بس جامده بجد تسلم ايدك يا حماده

موضوع: رد: جزمتى والحب السبت أكتوبر 24, 2009 3:08 am

[size=24]طيب يا حماده ممكن استلف الجزمه يومين
يمكن تعمل شغل معايا هههههههههههههههههههههه
[/size]

موضوع: رد: جزمتى والحب الأحد أكتوبر 25, 2009 6:14 pm

هههههههههههههههههههههههههههههههههههههههه

حلوة اوى تسلم ايدك