ذلك الشعور السهلبيسي الذي يزعزغ عقول البشرو يهشك قلوبهم
مستمعينا لسه بنتكلم عن الحب وحلقتنا النهارده عن
الاستهبال في الحب
معاكم احمد عماد علي نجومsm مزيكا علي كيف كيفك
في.. انا و البطيخ و هواك
من دلوقتي ولمدة ساعتين مستنين تليفوناتكم علي 70077
أو علي 4570036
أو علي ايميل البرنامج
علي قفاك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها
دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 20سنة
فحاسس بيكم و حاسس بمشاكل الجيل كلها ...
اولا الرصيد اللي بيخلص في يوم و انت لسه شاحن كارت ب 100 و
تفضل تحرق في دقايق علي حبيبتك و في الاخر لما الرصيد
يقرب يخلص تقولها بحبك بحبك امموووه
تقولك انت بتستهبل يا حبيبي اتلم لساورس يشوفنا
او حبيبتك اللي تفضل تكنسل عليك تكنسل عليك
عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي
تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك
و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع
مستمعينا الاستهبال في الحب حالة بتمر
بكل المهاطيل و المهابيل من ابناء الجيل
و لو مستخدمناش عقلنا في الاستهبال بيقلب عباطه
وممكن مغص كلوي
مستمعينا مستني تليفوناتكم علي 70077
او علي 4570036
او علي ايميل البرنامج
علي قفاك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها
نستقبل اول اتصال تليفوني و نقول الوو
الوو
الووو
الووووو
واضح ان الخط قطع
- الوو ايوا يا احمد
اهلا نتعرف بيكي ..
- بثمه
اهلا بيكي يا بسمه ياريت تعلي صوتك شويه
- معلش يا احمد اثل انا بتكلم من تحت البطنية ..
مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب ..
تقدري تقوليلي يعني ايه الاستهبال في الحب و بيمثل لك ايه
- بص يا ااحمد اولا انا بموت موت موت جدا طحن في البرنامج بتاعك
و والله مش بفوت ولا حلقة منه ابدا خالث
مرسي ليكي يا بسمه
- يا احمد انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة
جميل
- اهـء اهـء اهـء
لا اهدي يا بسمه و قوليلي ايه اللي حصل
- يا احمد اخد كل حاجة كل حاجة
اححمم
حتى الموبايل
- يا احمد بقولك كل حاجة
اهـء هـء هـء
طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر
و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي
تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالط و بهديلك اغنية السوبر ستار عمرو دياب ....
يا قاعدة علي الترعه و بتغسلي المواعين
جاتك ستين وكسه دا شرفك بقا في الطين
نص ساعة اعلانات ..
انا و البطيخ و هواك برنامج للحب و عن الحب
مع احمد عماد
الحب
لحظات من الامل متولدة في وسط غابات
الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل ..
مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 70077 او علي 4570036
أو علي او علي ايميل البرنامج
علي قفاك ات نيل راديو بروداكشن دوت كوم برعاية ابليس كومباني
و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..
الوقت بيمر معاكم بسرعة
نستقبل اتصال تليفوني و نقول الووو
الووو
الووو
الوووووو
الظاهر الخط قطع
الوو ايوا يا احمد
اهلا نتعرف بيكي
ياريت تعلي صوتك لان الصوت بعيد اوي
_معلش اصل انا بكلمك من الحمام
انا سمر من الغربيه
اهلا بيكي يا سمر
سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب
_احمد انا عاوزه اقولك في الاول انت انت احلى
و اجمل اعلامي و صوت شفته في حياتي
و انا بسجل كل الحلقات بتاعتك و بحبك اوووي يا احمد
ربنا يخليكي يا سحر ..
انا كنت بحب واحد نجار مسلح و بعدين كنت
في يوم ماشية في الشارع لابسه باضي جميل
و بعدين واحد عاكسني فحبيبي شلحف
مين ياسمر ؟؟
_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا احمد و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
احمد انا مش عارفه اعمل ايه
بصي يا سحر
_ سمر
اه سوري
بصي يا سمر
بنقابل ناس في حياتنا بنحبهم و بيحبونا و ديما كتير بنكون شبهمم و زيهم ..
حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز
اكبر مصنع في الشرق الاوسط
و المصدر الرسمي لحديد الجدار العازل كان حبيبك زمانه مشنوق دلوقتي
لان حديد عز يتميز بالصلابه و القهوه و السيخ مظبوط و بالتمام ..
يا ساره على اتصالك و بهديلك اغنية السوبر ستار محمد فؤاد
يا مسجون في لومان طره
نفسي اكل معاك كوز دره
مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 70077
أو علي4570036
او علي ايميل البرنامج
علي قفاك ات نيل راديو بروداكشن دوت كوم برعاية ابليس كومباني
و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..
نص ساعة اعلانات
مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 70077
أو علي4570036
او علي ايميل البرنامج
علي قفاك ات نيل راديو بروداكشن دوت كوم برعاية ابليس كومباني
و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..
اس ام اس كتيرررر جدا النهاردة
هااي احمد بحبك مووت... وبحب صوتك ..
صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت
انا اتعرفت على واحد من ع النت وقابلته بس نفسى احسسه بمشاعرى
اعمل ايه ارجو الرد يااحلى اعلامى واعذب صوت فى الكون..
_______________ ___
هاى يااحمد ازيك يا جميل
البرنامج جميل جدا وانتة كمان مواضيعك تحفة ..
وعايزاك تقول لجابر انى بحبه جدا وميزعلش منى ابدا..
رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
اصل انا منحرفه و بحب الانحراف ..
بحبك يا تامر
قصدي يا جابر
حبيبتك شاهيناز
_______________ ___
هاى ااحمد انا محمود من الاردن عاوزك تقول لهبة اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها ..
_______________ ___
هااي يا ااحمد ازيك
يا ااحمد عاوز الايميل بتاعك بجد في مواضيع مهمه قوي عندي عاوز الحل ليها ..
معلش يا احمد بليز و الله يا احمد انا تعبانه موووت و انت الامل الوحيد ليا ..
_______________ ___
هااي احمد يا احلي و اجمل صوت في الدنيا
احمد بليز ممكن حلقه عن الحب من طرف واحد اصل اخوك كهربائي سيارات ...
بحبك مووووت يا سوكا
_______________ ___
هااي يااحمد انت اجمل و احلي صوت في الكون كله
ارجوك يا احمد قول لحسن انه مهما دور على حد ممكن يحبه
ويسامحه ويغفر له كل حاجه مش هيلاقى غيرى لانى بحبه بصدق
ومش عاوزة منه اى حاجه
خالص.. و هتنازل عن تمن الموبايل اللي ضربوا مني في
الشهر اللي فات و باعه و جاب بيه كله عشان يشمها ..
_______________ ___
احمد احمد احمد
ازيك يا جميل
على فكره يا عم انت شوفلك حل .. حبيبتى بتحبك
انا محمدين من دمياط .. بحبك قوى يا رضوى
_______________ ___
هاااي يا احمد ازيك عامل ايه
انا عارفه ان الحب مفهوش كرامه وهو الى خلانى بقيت كدة ازاى
بعد كل دة هو اللى يبعد ويختار هو علمنى ازاى معرفش اعيش من غيرة
ونسى يعلمنى لما يبعد هعيش ازاى ... بحبك يا بعجررر
_______________ ___
هاااى احمد انا فى عندى مشكله انا بحب واحده
ومش عارف اصرحها خايف يكون الحب من طرف واحد
بحبك يا سندس ااوووي و نفسي اخد الرصيد اللي في موبايلك كله ..
_______________ ___
هاااي احمد ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا ااحمد
عشان شعره الابيض الجميل
و فجأة اكتشفت انه سمكري سيارات و ان البويه جت علي شعره
احمد انا مش عارفه اعمل ايه انت املي الوحيد
_______________ ___
هاااي ابو حميد ازيك
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه
من الصعيد مشي و قعد يعيط و انا بحبه خالص
يا احمد
بحبك يا صميده موووت موت
الوقت بيمر معاكم بسرعة وقت حلقتنا انتهى
كان معاكم احمد عماد علي نجوماس ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس
الميعاد قبل ساعتين من دلوقتي علي نجوماس ام 100.6
مزيكا علي كيف كيفك
برعاية
ان تاتش
و ماكدونالدز
و مؤمن
و اريال و تايد
و كنتاكي
و مصنع كوبايات ام سمير
و كراسة الاول
سلاح التلميذ
سوق الخضار في السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن ام ابراهيم لتسمين العجول
النادي الاهلي و الزمالك
اديداس و بوما و نيكي و لو
تو و امبروو
اميجو كوتشي بينور
امريكانا الجودة
لانشون حلواني الإخوان
منظمة التحرير الفلسطينية
مجلس الشعب
سمنة الهانم
الأربعاء أكتوبر 21, 2009 12:50 am
